又游水

星期日, 我兩個女又要去學游水...但今次要到荃灣既城門谷游泳池...因為呀 sir 話呢個池係有室內..又有暖水...仲緊要係細池都有開放..細果班學生都可以去游...我地約左12點45分在荃灣等..齊人就出發去泳池......到門口..都好多人等入場,起初諗住比佢地試下自己入場..因為可以慳番我20蚊入場費...但人實在太多...唔放心..同時又係第一次黎呢度..都係決定跟住入去睇下場地..入面個池一半係1米2,另一半係2米深...佢地就係淺水果面游...我行埋去試下點樣暖水法..但觸到既係凍水...吓~~~又話暖水池..........冇既????搵笨架??一個鐘度細女就游完..我就同佢去沖涼..佢又話唔識較熱水.....要我幫佢...咁佢細個..都唔出奇..沖涼咪上返去睇大女游成點...上到去只係見佢包住條毛巾企係度..又係冇游....唉~~~佢話凍到佢手都白晒.............係咁震..游唔到喎....跟住咪又同佢去沖涼..佢又係話唔識較水沖涼...唉~~咁大個女..乜都話唔識..點得架.?我咪叫佢自己做...佢咪喊住口...呀呀聲囉...吹漲!!!!!!! 你話la...下次都係要跟入黎陪佢地架la>.............唉~~~~~~~~~~之後就去m記食野...行一陣南豐中心..跟住就坐車回家...0向車度,兩個都訓到流晒口水....哈哈哈...好累呀~~~~